Ինչպես պահել օծանելիքը

23.09.2017


Օծանելիքը կնոջ հմայքի ամենակարեւոր գրավականներից մեկն է, եւ հավանաբար հենց այդ պատճառով էլ օծանելիքը ամենացանկալի նվերն է կանանց համար։ Բայց օծանելիքն ունի պահպանման հատուկ կանոններ, որոնք չպահպանելու դեպքում, օծանելիքը կորցնում է իր բույրն ու որակը։ Եթե օծանելիքը փակ տուփի մեջ է, ապա այն կարելի է պահել մոտ 3 տարի, իսկ արդեն բացված եւ օգտագործված օծանելիքը՝ վեց ամսից մինչեւ մեկ տարի։ Սակայն այս ժամկետները նույնպես կարող են փոփոխվել ու նվազել, եթե չհետեւեք պահպանման կանոններին։

Առաջին պայմանը՝ խուսափել լույսից (կարեւոր չէ արեւի, թե էլեկտրական)։ Լույսը կարող է բացասաբար ազդել օծանելիքի վրա՝ փոխելով դրա կազմությունը։ Նախընտրելի է, որ օծանելիքն օգտագործելուց հետո, այն ետ դնեք տուփի մեջ եւ կրկին պահեք մութ ու լուսավորությունից հեռու վայրում։

Բացի վերը նշված «կանոնից» կա նաեւ մեկ այլ կարեւոր հանգամանքը։ Օծանելիքի որակի ու բույրի վրա բացասական ազդեցություն կարող է ունենալ նաեւ ջերմությունն ու օդի բարձր խոնավությունը, որոնք լույսի առկայության դեպքում փոխում են օծանելիքի քիմիական բարդ ֆորմուլաները, ինչն էլ հագեցնում է օծանելիքի հատկությունների եւ որակի կորստին։

Օծանելիքն ավելի անուշաբույր ու հաճելի դարձնելու եւ վնասակար նյութերի ազդեցությունից պաշտպանելու համար առաջին հերթին պետք է խցանը լավ փակել եւ օծանելիքը դնել տուփի մեջ։ Խստիվ արգելվում է օծանելիքը պահել լողասենյակում. նախընտրելի է պահել այն դարակում կամ պահարանում 20-25 աստիճան ջերմաստիճանի եւ օդի 70 տոկոս հարաբերական խոնավության պայմաններում։


Նյութի աղբյուր: http://style.news.am/arm/news/18093/inchpes-pahel-otsaneliqy.html
Теги:


Хостинг от uCoz